BURADA REKLAMINIZ OLA
BİLƏR

BURADA REKLAMINIZ OLA
BİLƏR

Əli Quliyev: “Misir Qasımlıya kömək etmək istədik, bu mənzərə ilə qarşılaşdıq, utanaraq uzaqlaşdıq”

“Jurnalistlər qazi Misir Qasımovun həbsi ilə bağlı soruşanda, qısaca olaraq, adamın cinayət törətdiyini və etdiyi cinayətə uyğun cəza alacağını qeyd edərək, təfərrüatlara getməmişdim. Dəfələrlə bu məsələdə heç bir erməni izi olmadığını, məhkəmə prosesinin ədalətli getdiyini bildirmişdim. Misir Qasımovun Qarabağ müharibəsi iştirakçısı olduğunu nəzərə alaraq, məsələyə həssas yanaşmışdım. Təəssüflər olsun ki, həmişə olduğu kimi şaiyələrə, dedi-qodulara faktlardan daha üstünlük verən cəmiyyətimiz yenə öz “ənnələrinə” sadiq qaldı!”

 

Pravda.az-ın xəbərinə görə, bunu siyasətçi Əli Quliyev bildirib.

 

O, M.Qasımovla bağlı faktı diqqətə çatdırıb: “2021 -ci il iyunun 9-da Azərbaycan vətəndaşları Misir Qasımov və Sübhan Quliyevin, ərəb mənşəli İspaniya vətəndaşı, Məhəmməd Əli Yusuf Açanı oğurlayaraq, meşəyə aparmış, ona ciddi bədən xəsarətləri yetirərək, üzərindəki külli miqdarda pulu və qiymətli əşyaları götürmüşlər. İspaniya vətəndaşı Məhəmməd Əli Yusuf Açanın şikayətinə əsasən Kiyev vilayəti Obuxov rayon məhkəməsində, Misir Qasımov və Sübhan Quliyevə qarşı 187-ci maddənin 1-ci hissəsi (soyğunçuluq ), 146-cı maddənin 3-cü hissəsi (adam oğurluğu ), 263-cü maddənin 1-ci hissəsi (qanunsuz silah gəzdirmə ) cinayət işi icraata götürülüb. Biz toplum olaraq müasir dünyanın qaydaları ilə yaşamağı öyrənməliyik, hüquq dövlətində yaşamaq, qanunlara hörmət etmək, qanun qarşısında hamının bərabərliyi prinsipinə əməl etmək və s. İlk gündən məsələ ilə maraqlandıq, kömək etmək istədikdə, bu mənzərə ilə qarşılaşıb, utanaraq uzaqlaşdıq”.

 

Kənan

Tarix: 7 Dekabr 2022, 21:13   
-->
Xəbər lenti
Çox oxunanlar

Ən son xəbərləri səhifəmizdən də izləyin