BURADA REKLAMINIZ OLA
BİLƏR

BURADA REKLAMINIZ OLA
BİLƏR

Xocavənddə xarici şirkətin avtomobilini oğurlayan şəxslər hökmdən narazıdırlar

Bakı Apellyasiya Məhkəməsində Xocavənddə xarici şirkətə məxsus yük avtomobilini oğurlamaqda təqsirləndirilən Elnur Alıpaşayev, Zahir Əsədullayev və İsmayıl Məmişovun barələrindəki hökmdən apellyasiya şikayəti veriblər.

 

Pravda.az-ın əldə etdiyi məlumata görə, şikayət hakim Həsən Əhmədovun sədrliyi ilə araşdırılacaq.

 

Bu gün onların apellyasiya şikayətinə baxılacaq.

 

Bakı Ağır Cinayətlər Məhkəməsinin hökmü il E.Alıpaşayev 5, İ.Məmişov 2, Z.Əsədullayev isə 2 il 6 ay müddətinə azadlıqdan məhrum edilib.

 

Qeyd: Xocavənd Rayon Polis Şöbəsi (RPŞ) əməkdaşlarının keçirdiyi tədbirlər nəticəsində rayon ərazisindən xarici şirkətlərdən birinə məxsus nəqliyyat vasitəsini oğurlamaqda şübhəli bilinən şəxslər saxlanılıb.

 

Xocavənd RPŞ əməkdaşlarının keçirdiyi əməliyyat-axtarış tədbirləri ilə “Hovo” markalı yük maşınını oğurlamaqda şübhəli bilinən Elnur Alıpaşayev, Zahir Əsədullayev və İsmayıl Məmişov saxlanılıblar.

 

Araşdırmalarla müəyyən edilib ki, həmin şəxslər əvvəlcədən razılaşaraq şirkətin olduğu yerə gəliblər və bir müddət sonra nəqliyyat vasitəsini rayon ərazisindən oğurlayaraq Sumqayıt şəhərinə aparıblar. Polis əməkdaşları tərəfindən avtomobilin də yeri aşkar edilərək maddi sübut kimi götürülüb.

 

Faktla bağlı Xocavənd RPŞ-də Cinayət Məcəlləsinin 177.3.2-ci maddəsi ilə cinayət işi başlanılıb və məhkəmənin qərarı ilə adıçəkilən şəxslər barəsində həbs qətimkan tədbiri seçilmişdi.

 

Kamal Məmmədov

Tarix: 9 Dekabr 2022, 08:04   
-->
Xəbər lenti
Çox oxunanlar

Ən son xəbərləri səhifəmizdən də izləyin