Azərbaycanın İrandakı səfirliyinə hücumun həyata keçirilməsinin şəxsi zəmində olduğunu düşünmürük.
Bunu Azərbaycan Xarici İşlər Nazirliyinin (XİN) Mətbuat xidməti idarəsinin rəisi Ayxan Hacızadə “TRT Haber”ə açıqlamasında bildirib.
XİN: Azərbaycanın İrandakı səfirliyinə hücumun şəxsi zəmində olduğunu düşünmürük
O qeyd edib, hücumla bağlı bütün məsuliyyət İran tərəfinin üzərinə düşür.
Ayxan Hacızadə əlavə edib ki, son aylarda İran mediasında anti-Azərbaycan təbliğatı geniş yer alıb.
“Bunun hücuma rəvac verdiyini düşünürük. Azərbaycan İranla hər zaman yaxşı qonşuluq tərəfdarı olub, İranın da buna müsbət cavab verəcəyini gözləyib. Lakin bu təxribatlar mənfi təsir göstərir”, - o əlavə edib.
