Mingəçevirdə 43 yaşlı qadının meyiti tapılıb.
Bu gün saat 18 radələrində Mingəçevir şəhər sakini,1980-ci il təvəllüdlü Günel İsayevanın meyiti yaşadığı evin vanna otağında aşkarlanıb.
Azərbaycanda müəllim dəm qazından boğularaq ölüb
Onun dəm qazından zəhərləndiyi ehtimal edilir.
Daxili İşlər Nazirliyinin Mətbuat Xidmətinin Şəki regional qrupundan APA-ya bildirilib ki, polis və prokurorluq əməkdaşları, ekspert tərəfindən hadisə yerinə, eləcə də meyitə baxış keçirilib, zəruri prosessual hərəkətlər yerinə yetirilib. Faktla bağlı araşdırma aparılır.
Qeyd edək ki, Günel İsayeva 2 saylı məktəbdə müəllimə işləyirmiş.
