Xalq artisti Brilliant Dadaşova toylarda ifa etdiyi mahnılardan danışıb.
Pravda.az Olay-a istinadla xəbər verir ki, sənətçi istəyə uyğun olaraq hər musiqini oxumadığını söyləyib.
Bu barədə Dadaşova “Xəzər axşamı” verilişində qonaq olarkən deyib:
“Məclisdə məndən “dandirik” mahnı istəyirlər...“ - Brilliant
“Estrada musiqilərimizi qorumaq lazımdır. O musiqiləri böyük dühalar yazıb. Toyda öz mahnılarımdan oxuyuram, çalışıram ki, bəstəkar mahnılarımızı ifa edim.
Hansı məclisdə ki mənə gəlib “dandirik” mahnı istəyirlər, deyirəm ki, get evdə kaseti qoy, o mahnılarla özün üçün ürəyin istəyən qədər, doyunca oyna.
Mən o mahnıları oxumuram. Əvvəl deyirdilər ki, dostunu mənə göstər, deyim sən kimsən. İndi isə dinlədiyin musiqini mənə göstər, deyim sən kimsən”.
