Sumqayıtda adam bıçaqlamaqda təqsirləndirilən Rövşən İsmayılzadənin cinayət işi üzrə ibtidai istintaq başa çatıb.
Pravda.az-ın əldə etdiyi məlumata görə, toplanan iş baxılması üçün Sumqayıt Ağır Cinayətlər Məhkəməsinə göndərilib.
Cinayət işi hakim Fəhmin Hümbətovun icraatına verilib.
Məhkəmənin hazırlıq iclası iyunun 15-nə təyin edilib.
Sumqayıtda 33 yaşlı şəxs bıçaqlanıb. Hadisə Sumqayıt şəhəri, 2-ci mikrorayon ərazisində qeydə alınıb.
Belə ki, şəhər sakini, 1990-cı il təvəllüdlü Yaqubov Vüqar Rasim oğluna qarın nahiyəsinə naməlum şəxs tərəfindən kəsici-deşici alətlə xəsarət yetirilib. Yaralı Sumqayıt şəhər Təcili tibbi yardım xəstəxanasına yerləşdirilib.
Faktla bağlı Cinayət Məcəlləsinin 126.1-ci (Qəsdən sağlamlığa ağır zərər vurma) maddəsi ilə cinayət işi başlanıb, istintaq aparılır.
Kamal Məmmədov
