Fransanın PSJ futbol komandasının hücumçusu Lionel Messi Avropanın “Top-5” liqasında qolların sayına görə portuqaliyalı hücumçu Kriştianu Ronaldunu qabaqlayıb.
Messi Fransa çempionatının XXXVII turunun "Strasburq"la matçında qol vurub.
Messi Avropanın “Top-5” liqasındakı qollarının sayına görə Ronaldunu qabaqlayıb
Argentinalı bununla da Avropanın “Top-5” liqasında 496-cı qolunu vurub. O, bu göstəriciyə görə aktivində 495 qolu olan Kriştianu Ronaldunu qabaqlayıb.
Messi bu mövsüm ümumilikdə 16 qol vurub və 16 məhsuldar ötürmə edib.
Qeyd edək ki, PSJ – “Strasburq” görüşü 1:1 hesablı heç-heçə ilə yekunlaşıb./Report
