Kanadanın Yeni Şotlandiya əyalətində 51 yaşlı Qabriel Uortman adlı şəxsin atəş açması nəticəsində ölənlərin sayı 16 nəfərə çatıb.
Pravda.az-ın xəbərinə görə, bu barədə CBC NEWS məlumat yayıb.
Silahlı insident nəticəsində ölənlərin sayı 16 nəfərə çatdı
Milli polis komissarı Brend Lakinin sözlərinə görə, asayiş keşikçiləri cinayətkar tərəfindən odlu silahla 16 nəfərin öldürüldüyünü müəyyən ediblər.
O əlavə edib ki, hadisə hələ də terrorla əlaqəli hesab olunmur.
Qeyd edək ki, bundan əvvəl polis əyalətin müxtəlif yerlərində 13 nəfərin öldüyünü bildirmişdi. Hüquq-mühafizə orqanları ölənlərin sayının arta biləcəyini istisna etməmişdi.
