“İnsan, əgər kasıb yaşayırsa, başdaşısı da sadə olur. Amma elə insanlar var ki, başdaşısı sanki mavzoleydir. Hətta elə qəbirlər var ki, üstünə işıq da çəkirlər. Guya bu adam dədəsinin qədrini bilir. Yalandır! Bəlkə, sağlığında atasına 1 stəkan çay belə verməyib. Sadəcə, dəbdəbə üçün ölürlər. Görsünlər ki, filankəs dədəsini nə yaxşı basdırdı və s. Bunlar, ancaq şöhrət xətrinədir”. Bu sözləri Yenisabah.az-a açıqlamasında tanınmış televiziya eksperti, jurnalist Anar Vəziroğlu deyib.
O, su daşıyaraq atasına başdaşı düzəltmək istəyən balaca Elvindən, habelə bahalı qəbirdaşılarının son zamanlar məzarlıqlarda artması faktından söz açıb:
“Əl boyda, bapbalaca bir uşaq niyə bunu etməlidir? Hələ başdaşının üstünə kimin düzəltdirdiyini də yazıdırıb.
Millətimizdə balacalıqdan belə bir arzumu deyim, yoxsa dəbmi, bilmirəm, amma bu, var. Niyə?
Qəbirlərə baxırsan, üstündə oğlundan, qızından yadigar yazılır. Dəhşət budur. Öz dərdimizi qəbir daşları üstündə yaşadırıq. Çox qəribə bir məntiqdir. Qarnına bir tikə çörək tapmayasan, amma gedib atana o boyda başdaşı qoyasan. Harada görülüb belə bir şey?!”
“Bəzən adam ölür, ondan sonra 3-ü, 7-si, 40-ı, gedib çıxır haraya? Yazıq uşaqlar da düşürlər qapı-qapı, dilənirlər ki, kiminsə qarını doyacaq?! Aparıb adamı basdırandan 15 dəqiqə sonra da mağarda yığılışıb çörək yeyirlər.
