Ukrayna tərəfinin ABŞ kaset sursatlarından istifadə etməsi bir neçə şərtlə məhdudlaşdırılacaq.
Bunu ABŞ prezidentinin milli təhlükəsizlik üzrə köməkçisi Ceyk Sallivan deyib.
Kiyev kaset bombaların Rusiya ərazisində istifadə olunmayacağına zəmanət verdi
“Birincisi, onlar Rusiya ərazisində istifadə etməyəcəklər, bu mərmilərdən yalnız öz ərazilərində istifadə edəcəklər. İkincisi, onlardan yaşayış məntəqələrində istifadə etməyəcəklər”, - Sallivan bildirib.
O, həmçinin qeyd edib ki, Vaşinqton Kiyevi kaset sursatları ilə təchiz etmək qərarının NATO müttəfiqləri arasında ixtilaf yarada biləcəyini gözləmir./APA
