Xəbər verdiyimiz kimi, Qurban bayramı günlərində Bakının Yasamal rayonu, Yeni Yasamal adlanan ərazisində (Əsəd Əhmədov küçəsi) gecə saat 00:20 radələrində küçənin mərkəzi hissəsində yol bağlanaraq, iri dəmir köşk qoyulub.
Qaynarinfo-nun məlumatına görə, bu gün FHN-in Tikintidə Təhlükəsizliyə Nəzarət Dövlət Agentliyi və Dövlət Yanğın Nəzarəti Xidməti məlumat yararaq, digər yerlərlə yanaşı Əsəd Əhmədov küçəsində heç bir icazəverici sənəd olmadan qanunsuz qoyulan köşkün söküldüyünü bəyan edib.
Əsəd Əhmədov küçəsində qoyulan köşkün həqiqətən sökülüb-sökülməməsini araşdırdıq. Və məlum oldu ki, köşkün FHN əməkdaşları tərəfindən müəyyən bir hissəsi uçurlsa da, yenidən bərpa edilib. Hətta köşkün şüşələrinə ağ pərdə də salınıb.
