Qubad İbadoğlunun həbsindən və Türkiyədə saxlanılaraq Azərbaycana gətirilən Fazil Qasımovun vasitəsilə şəbəkələşən FETÖ-çü dəstənin ilkin ifşasından sonra bir məqam xüsusilə diqqətçəkən oldu. Xaricdə fəaliyyət göstərən anti-Azərbaycan ünsürlərin fəallaşması.
Sözügedən ünsürlərin canfəşanlığından asanlıqla anlaşılır ki, onlara tələm-tələsik tapşırıqlar verilib və onlar diqqət yayındırmaq, gündəmi dəyişmək və cılız qisasçılıq niyyəti ilə nə isə etməyə çalışırlar.
FETÖ-nün önəmli elementlərindən biri olduğu artıq heç bir şübhə doğurmayan iş adamı Mübariz Mənsimovun bu prosesdəki rolu, Qubad İbadoğlu ilə birlikdə Fətullah Gülənlə əlaqələri və ondan aldıqları təlimatlar üzrə birgə fəaliyyətləri Fazil Qasımovun həbsi ilə danılmaz faktlarla təsdiqləndi.
