27 sentyabr 2020-ci il tarixdə Ermənistan silahlı qüvvələrinin Azərbaycana növbəti təxribatının qarşısını alınması məqsədilə Silahlı Qüvvələrin Müzəffər Ali Baş Komandanı cənab İlham Əliyevin rəhbərliyi ilə Rəşadətli Ordumuzun əks-hücum əməliyyatı nəticəsində uzun illər düşmən tapdağı altında olan torpaqlarımız yağı düşmən tapdağından azad edildi.
Vətən müharibəsinin təntənəsi təkcə işğal altındakı torpaqların yağı düşməndən qurtuluşu deyil, eyni zamanda, Azərbaycan xalqının milli kimliyinin nə qədər yüksək olduğunun bütün dünyaya nümayişidir.
Naftalan Şəhər İcra Hakimiyyətinin təşkilatçılığı ilə 27 Sentyabr-Anım Günü ilə bağlı tədbir keçirilib.
Pravda.az xəbər verir ki, tədbirdə ŞİH-nin başçısı, hüquq mühafizə orqanlarının rəhbərləri, YAP Naftalan şəhər təşkilatının sədri, şəhər Ağsaqqallar Şurasının sədri, şəhid ailələri, qazilər, ziyalılar, şəhər ictimaiyyəti nümayəndələri iştirak edib.
Şəhidlərin xatirəsinə ehtiram əlaməti olaraq ucaldılmış Memorial Xatirə Kompleksi ziyarət olunub, gül dəstələri düzülüb, şəhidlərin xatirəsi ehtiramla anılıb.
Daha sonra ağacəkmə aksiyası keçirilib.
Respublikanın hər yerində olduğu kimi saat 12:00-da şəhər ərazisində qəhrəmancasına döyüşmüş, ölkəmizin ərazi bütövlüyü yolunda canlarını fəda etmiş şəhidlərimizin xatirəsi bir dəqiqəlik sükutla yad edilib.
.
