“Təcrübəmizdən sıxış edərək düşünürəm ki, mayın 9-da, qeyri-iş günü sərnişin sıxlığı olmayacaq”.
Pravda.az-ın xəbərinə görə, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında “Bakı Metropoliteni” QSC-nin sədrinin müavini Hidayət Məmmədov bildirib.
Hidayət Məmmədov deyib ki, lazım gələrsə, sıxdığı aradan qaldırmaq üçün qatarların hərəkət qrafikində dəyişikliklər olacaq.
O, “Bakı Metropoliteni” QSC-nin karantin rejiminə əməl edəcəyini, mayın 31-dək yaşı 65-dən yuxarı işçilərin işə cəlb edilməyəcəyini söyləyib.
“Bakı Metropoliteni” Qapalı Səhmdar Cəmiyyətinin (QSC) sədri Zaur Hüseynov isə bildirib ki, əgər sosial məsafə qorunmasa, koronavirusa yoluxma arta, metro yenidən bağlana bilər.
