Hər il olduğu kimi bu il də Naftalana gələn turistlərin sayında artım müşahidə edilir. Şəhərdə yerləşən turizm müəssisələri müalicə və istirahət baxımından yerli və xarici turistlərin daha çox marağına səbəb olur.
Naftalan Şəhər İcra Hakimiyyətinin başçısı, hüquq-mühafizə orqanlarının rəhbərləri, İcra Hakimiyyətinin məsul əməkdaşları “Kəpəz” sağlamlıq mərkəzində olublar.
Pravda.az xəbər verir ki, icra başçısı mərkəzdə yerli və Qazaxıstan, Rusiya, Estoniyadan gələn xarici turistlərlə görüşüb, onların şəhərimiz barədə fikirlərini öyrənib, turistləri maraqlandıran suallar ətrafında söhbət aparıblar. Turistlər müalicə mərkəzində yaradılan şəraitə, onlara göstərilən diqqətə görə təşəkkürlərini bildiriblər.
