BURADA REKLAMINIZ OLA
BİLƏR

Siyəzəndə pişiklərə işgəncə verdiyi iddia olunan qadının evindən insident zamanı oğurluq edilib - VİDEO

Siyəzəndə evdən oğurluq edilib. Bu barədə Oxu.Az-a Daxili İşlər Nazirliyinin Mətbuat Xidmətinin Quba regional qrupunun baş inspektoru, polis baş leytenantı Xəyal Talıbov məlumat verib.

 

O bildirib  ki, Siyəzən şəhər sakini A.Hüseynova Siyəzən RPŞ-ə ərizə ilə müraciət edərək yaşadığı evdə saxladığı heyvanlarla (pişiklərlə) bağlı çəkiliş edən bir neçə nəfər xanımın onun evindən iki ədəd telefon, bir ədəd planşet, 240 manat pul, bir ədəd bank kartı və anasının şəxsiyyət vəsiqəsini oğurladığını bildirib.

 

Araşdırmalar zamanı Bakı şəhər sakinləri A.Əliyeva və A.Məmmədova izahatlarında evdən iki ədəd telefon, bir ədəd planşet və telefonun üzlüyünün içində olan bir ədəd bank kartını və bir ədəd şəxsiyyət vəsiqəsini götürmələrini etiraf ediblər.

 

Hazırda faktla bağlı Siyəzən RPŞ-də müvafiq araşdırmalar aparılır.

 

Tarix: 6 Dekabr 2023, 15:19   
Xəbər lenti
Çox oxunanlar

Ən son xəbərləri səhifəmizdən də izləyin