BURADA REKLAMINIZ OLA
BİLƏR

Qohumunun evinə basqın edən maskalı şəxs yıxalaraq xəsarət alıb

Dekabrın 6-da səhər saatlarında Qəbələ rayonunun Zarağan kəndində maskalı naməlum şəxs evlərdən birinə daxil olaraq ev sahibini kəsici-deşici alətlə hədələyib, pul və qızıl-zinət əşyaları tələb edib.

 

DİN-in mətbuat xidmətinin regional qrupundan bildirilib ki, ev sahibi olan qadın müqavimət göstərib və maskalı şəxsi tanıyıb. Bu zaman o, hadisə yerindən qaçmağa çalışsa da, kənd sakinləri tərəfindən saxlanılaraq polisə təhvil verilib.

 

Araşdırmalarla cinayət əməlini törətməkdə şübhəli bilinən, ailənin qohumu olan Daşca kənd sakini, 1988-ci il təvəllüdlü Məmmədov Rəşad Azad oğlu olması müəyyən edilib. Onun üzərindən 1 ədəd bıçaq, 1 ədəd maska, 2 cüt əlcək, 4 ədəd xamut, kapron corab aşkar olunaraq götürülüb.

 

O, təkrar qaçmağa cəhd edərkən yıxılaraq yüngül xəsarət alıb.

 

Faktla bağlı quldurluq maddəsi ilə cinayət işi qaldırılıb./APA

Tarix: 6 Dekabr 2023, 16:38   
Xəbər lenti
Çox oxunanlar

Ən son xəbərləri səhifəmizdən də izləyin