Salam Sarvan haqqında bir neçə söz... və ya Salamın SARVAN ola bilməməsi
Salam Sarvanın şeirlərini mütəmadi olaraq oxumuşam... və onun ədəbi mülahizələrinə də bələdəm.
Salam Sarvanın böyük istedadı (şüuraltı ədəbi baxışından bəlli olur!), analtik düşüncə tərzi var. Amma böyük mətni, yazısı, ədəbiyyatı... yoxdu. Bəlkə də yaratmaq istəyib amma yarada bilməyib.
Hərdən mənə elə gəlir ki, Salam hansısa şairin yaradıcılığının bir küncüdür...
Bəs, sual edə bilərsiniz ki, istedadı haradadı? Deyəcəyəm!
Əvvəla onu deyim ki, bu adamın bir ömür yaradıcılıq boyu idraki qatda necə deyərlər, öz emalatxanası olmadı. Material var, enerji var... amma dəzgah, emalatxana yoxdu. O dediyim böyük istedadı yaradıcılıqda göstərmək üçün gərək ki, öz emalatxanan, öz dəzgahın ola...Bu mütləqdir! Yoxsa, nə istedadını olduğu kimi ifadə edə biləcəksən, nə də “özgə ocağından” əl çəkə çəkəcəksən.
Salam bir gün Ramiz Rövşənin, bir gün Füzulinin, bir gün Sabirin, bir gün Aşıq Ələsgərin, bir gün dünya ədəbiyyatındakı hər hansısa bir şəxsin... emalatxanasından, dəzgahından istifadə etdi. Salamın ən böyük uğursuzluğu da məhz bu oldu.
