Aktrisa Ülviyyə Xəlilbəyli iddia edir ki, dələduzluq halı ilə rastlaşıb. Xezerxeber.az xəbər verir ki, ondan təzə aldığı kart hesabından özünün də xəbəri olmadan pul çıxılıb.
Aktrisa sonradan həmin karta müəyyən məbləğdə pul yatırıb:
“Kartımın istifadə müddəti bitmişdi, bank mənə ödənişsiz, hədiyyə olaraq kart verdi, Dedilər ki, artıq sistem belə işləyir. Kartı götürdüm, haradasa 1 ay yarım olardı istifadə etmirdim. Ayın 15-i haradasa saat 16:27-də prosesi yerinə yetirdim. 16:52-də kartımdan pul çəkildi. Buna görə də banka müraciət etdim. Dedilər ki, bəs, bu dələduzluq hadisəsidir və sizin kartınız ancaq bloklanmalıdır. Ola bilər ki, 14 gün ərzində pulu geri qaytaraq və yaxud da ki, heç qaytarmayaq, bu, bizdən asılı olan səbəb deyil”, - deyə aktrisa qeyd edib.
