Şəmkir rayonunda gənc musiqiçi qəfil vəfat edib. Pravda.az qafqazinfo-ya istinadən xəbər verir ki, rayonun Mahmudlu kənd sakini, 1988-ci il təvəllüdlü Muxtar Nizami oğlu Abdullayev fevralın 10-na keçən gecə ürəktutmadan dünyasını dəyişib.
Bildirilib ki, Şəmkirdə fəaliyyət göstərən musiqi ansamblının nağaraçısı olan Muxtar həmin gecə toydan evə gəlib və az sonra vəziyyəti ağırlaşıb. Təcili tibbi yardım çağırılsa da, M.Abdullayevin həyatını xilas etmək mümkün olmayıb.
