Sumqayıtda zəhərlənən şəxslər xəstəxanadan evə buraxılıb.
Ana və onun üç uşağının vəziyyəti qənaətbəxşdir.
Xatırladaq ki, şəhərin 13-ci mikrorayonunda yaşayan bir ailənin dörd üzvü dərmandan zəhərlənərək xəstəxanaya yerləşdirilmişdi.
***
22:24
Sumqayıtda üçü uşaq olmaqla bir ailənin dörd üzvü zəhərlənib.
Hadisə şəhərin 13-cü mikrorayon ərazisində qeydə alınıb.
Belə ki, 1983-ci il təvəllüdlü İsgəndərova Sevgül Əllədin qızı yaşadığı mənzildə dərman vasitəsi ilə üç uşağını zəhərləyib.
Daha sonra o özü də həmin həbləri qəbul edərək zəhərlənib.
Zəhərlənən uşaqlar 2007-ci il təvəllüdlü N. Süleymanova, 2016-ci il təvəllüdlü N. Süleymanov və 2017-ci il təvəllüdlü Y. Süleymanov o cümlədən anası S.İsgəndərova Kliniki Tibbi Mərkəzin Toksikologiya Şöbəsinə yerləşdiriliblər.
Ananın vəziyyəti qənaətbəxş olsa da azyaşlılar xəstəxananın reanimasiya şöbəsinə yerləşdiriliblər.
Faktla bağlı araşadırma aparılır./APA
