Paytaxtın Binəqədi rayonu ərazisində 20 yaşlı bacısını boğaraq qətlə yetirən Həsən Kərimovun cinayət işi üzrə növbəti məhkəmə baxış iclası keçirilib.
Bakı Ağır Cinayətlər Məhkəməsinin hakimi Telman Hüseynovun sədrliyi ilə baş tutan proses zamanı şahidlərin ifadələri dinlənilib. Hadisə ilə bağlı Həsən Kərimovun anası Brilyant Kərimova və onların yaxın qonşuları ifadə veriblər. Təqsirləndirilən Həsən Kərimov və anası Brilyant Kərimova ifadələri zamanı qətlə yetirilən İlahənin ailədə mütəmadi münaqişələr yaratdığını bildiriblər.
Qeyd edək ki, 2023-cü il oktyabrın 12-də saat 23:00 radələrində 2003-cü il təvəllüdlü İlahə Kərimovanın ölməsi barədə Binəqədi Rayon Prokurorluğuna məlumat daxil olub.
