"Kaş, Əli Mirəliyevlə duet oxumazdım. Kənardan baxıram, ayıbdır. Heç olmasa, o duetlərə hörmətlə yanaş, danışığını bil".
Pravda.az bizim.media-ya istinadən bildirir ki, bu sözləri Əməkdar artist Ruhəngiz Musəvi qonaq olduğu "Xəbər ətər" verilişində deyib.
Sənətçini əsəbiləşdirən onun duet ortağı Əli Mirəliyevin efirlərin birində onun arxasıyca xoşagəlməz sözlər deməsi olub:
"Əlidən heç gözləməzdim. O dəfə verilişlərin birində deyib ki, "Ruhəngiz Musəvi və Ruhəngiz Allahverdiyeva toyda "Bu gecə" mahnısını qışqıra-qışqıra oxuyublar". Ayıbdır! Bundan sonra onunla efirə çıxmayacağam. Danışığına fikir ver, bəsdir. Bu şeylər mənə toxunur. Mən sənətə gələndə heç Əlini tanımırdım".
