Müğənni Rauf Əhmədovun Baku TV-yə müsahibəsi müzakirələrə səbəb olub. O, Azərbaycanda qara magiya ilə məşğul olan şəxslərin olduğunu bildirib. Müğənni hətta vəzifəli şəxslərə cadu edən xalq artistindən də danışıb. Pravda.az xəbər verir ki, mövzunu Globalinfo.az-a şərh edən azərbaycanlı ekstrasens, kliniki psixoloq, ezoterik Zirəddin Rzayev çox insanın magiyanın cadu, sehrdən fərqli olduğunu düşündüyünü deyib.
"Əslində isə magiya sözü cadu, sehr və bu kimi şeylərin beynəlxalq adıdır. Avropa, Amerikada cadu və sehr yox, magiya deyirlər. Cadu və sehr sırf islam ölkələrinə aid termindir. Bir sözlə, magiya və cadu eyni termindir.
Mən okkult elmlərlə məşğulam. İnsanlara olunan cadu və sehri batil etmə gücünə malikəm. İnsanlara pislik etmək mənlik deyil. Ümumiyyətlə, cadu ilə məşğul olmuram. Bunu pisləyirəm! Tam əksinə, öz qələmimlə cadu əleyhinə savaşıram", - ekstrasens bildirib.
