Bu gün mərhum Xalq artisti Yaşar Nurinin ad günüdür.
Axşam.az xəbər verir ki, Xalq artisti Firəngiz Mütəllimova sosial media hesabında bununla bağlı paylaşım edib.
"Yaşar, hər an qəlbimdəsən" - Firəngiz Mütəllimova
Sənətçi Y.Nuri ilə illər əvvəl çəkilən fotosuna "Sənətkar, bu gün sənin ad günündür. Yaşar həmişə yaşar. Allah sənə rəhmət eləsin. Ruhun şad olsun. Hər an yanımda və qəlbimdəsən" deyə, yazıb.
Qeyd edək ki, Yaşar Nuri uzun sürən ağır xəstəlikdən sonra 2012-ci il noyabrın 22-də, 61 yaşında Bakıda dünyasını dəyişib. İkinci Fəxri Xiyabanda dəfn edilib.
