Gecə saatlarından səhərə kimi şəhərin müxtəlif yerində kəskin qoxu hiss edilib.
Pravda.az bildirir ki, bu barədə Musavat.com-a paytaxt sakinləri məlumat veriblər.
"Gecə 4-5 olardı, boğula-boğula yuxudan oyanmışıq, zibil qoxusuna bənzər bir iy gəlirdi. Xeyli gözlədik ki, bəlkə keçər, amma səhərə kimi getmədi. Yenə gecə vaxtı hansısa zavodu gizlicə işə salıb, camaatı zəhərləyirlər", - deyə Nizami rayonu, Məmmədəli Şərifli küçəsi 157 ünvanında yaşayan Səyyarə Əliyeva deyib.
Xırdalan şəhər AAAF Park sakini Türkan Qasımova da eyni şikayətlə saytımıza müraciət edib. O bildirib ki, pis qoxuya görə səhhətində problem yaşayıb.
