Qubada dumanlı dağların arasında çox az ailənin yaşadığı qədim tarixə malik Buduq adlı bir kənd var. Kəndə gedən yol çox narahat və təhlükəli olduğundan, oraya yalnız yolsuzluq avtomobilləri ilə getmək mümkündür. Təsəvvür edin, rayon mərkəzindən Buduq kəndinə getmək üçün 2 saat saatdan çox vaxt lazımdır.
Kənd ağsaqqallarını dediyinə görə, buradakı evlərin çoxu qəbiristanlığın üzərində tikilib, hər ailənin isə ayrıca qəbiristanlığı var. Odur ki, kəndin təxminən 26 hektara yaxın ərazisi qəbiristanlıqdan ibarətdir.
Deyilənə görə, vaxtı ilə Temuçin xanın oğlu Batının nəsli bu kənddə məskunlaşıb.
