Astarada 77 yaşlı tibb bacısı Məmmədova Zeynəb Əziz qızını qətlə yetirməkdə təqsirləndirilən Məmmədov Elmir Ətrafil oğlu, Əkbərov Vüsal Zaid oğlu və Süleymanov Bəhruz Rəşid oğlunun barəsindəki hökmdən apellyasiya şikayəti verilib.
Pravda.az-ın əldə etdiyi məlumata görə, Şirvan Apellyasiya Məhkəməsində keçiriləcək ilkin hazırlıq iclası oktyabrın 17-nə təyin edilib.
Şikayət hakim Pərviz Hacıyevin sədrliyi ilə araşdırılacaq.
Xatırlatma: Lənkəran Ağır Cinayətlər Məhkəməsinin hökmü ilə 1983-cü il təvəllüdlü Məmmədov Elmir Ətrafil oğlu 13 il, 1986-cı il təvəllüdlü, əvvəllər məhkum olunmuş Əkbərov Vüsal Zaid oğlu 18 il 6 ay və Şəmkir rayon sakini, 1983-cü il təvəllüdlü, əvvəllər məhkum olunmuş Süleymanov Bəhruz Rəşid oğlu 12 il müddətinə azadlıqdan məhrum ediliblər.
Qeyd: Cinayət hadisəsi isə ötən ilin noyabrın 10-da baş verib.
