BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası COP29-un növbəti ay Bakıda keçirilməsi xüsusi əhəmiyyət kəsb edir. Dünyanın qorunmasına və gələcəyə hesablanan platforma mərkəzi sayılan bu tədbirin keçirilməsi Azərbaycanın üzərinə böyük məsuliyyət qoyur. Beləliklə, Azərbaycanın iqtisadi və geopolitik gücü imkan verir ki, qlobal problemlərin müzakirəsi, həlli yollarının araşdırılması Bakıda baş tutsun.
Mövzu ilə bağlı Pravda.az-a fikirlərini bölüşən Sosial Tədqiqatlar Mərkəzinin sektor müdiri, politoloq İlyas Hüseynov deyib ki, COP29 qlobal iqlim dəyişmələri, ətraf mühitin qorunması və bu sahədə görülmüş işlər, eləcə də perspektivlər haqqında mühüm tədbir olacaq:
“Bu konfransın Azərbaycanda keçirilməsi ölkəmizə də mühüm imkanlar yaradır ki, regiondakı reallıqları həm dünya ictimaiyyətinin diqqətinə təqdim edək, həm də ölkəmizdə dünyanın aparıcı klubları, dövlət və hökumət başçıları, ekspertlər müzakirə aparsınlar. Tədbirin Azərbaycanda keçirilməsinə dair yekdil fikir həm də ölkəmizə olan yüksək münasibəti özündə əks etdirir. COP29 çərçivəsində bir sıra yeniliklər də tətbiq olunacaq. Ermənistanın işğal dövründə və ondan sonrakı mərhələdə Qarabağa, Şərqi Zəngəzura milyonlarla piyada və tank əleyhinə minaların basdırılmasının kənd təsərrüfatına, dayanıqlı inkişafa vurduğu mənfi təsirlər haqqında çox önəmli fikirlər söyləniləcək. Bakıda keçiriləcək COP29 tədbirində xüsusilə iqlim maliyyələşməsi məsələsinə diqqət ayrılacaq. Çünki bu, çox önəmli məsələdir. İqlimlə bağlı ekologiyaya vurulan zərərin aradan qaldırılması üçün maliyyə vəsaitlərinin kəskin artımına böyük ehtiyac var. Şirin su ehtiyatlarının tükənməsi, qlobal istiləşmə, qlobal müharibələrin ekologiyaya təsiri nəticəsində yaranan fəsadlar milyardlarla dollar həcmində ölçülür. Hazırda bu sahədə olan büdcə cəmi yüz milyard dollardır. Bakıda təklif olunacaq ki, bu məbləği 500 milyarda, hətta 1 trilyon dollara qədər qaldırmaq mümkün olsun. Məhz bu səbəbdən bir sıra böyük dövlətlər, transmilli korporasiyalar COP29-a əhəmiyyət vermirlər. Tədbir çərçivəsində öhdəliklərdən də boyun qaçırırlar. Bu proseslər digər qruplarda da müşahidə olunmuşdu. Ölkəmiz əleyhinə də bir sıra qarayaxma kampaniyaları həyata keçirilir. Bunun dərin məzmunu, kökləri var və geniş araşdırmalar aparılır. Bu prosesin arxasında duran şəxslər və təşkilatlar, bir sıra korrupsiyaya bulaşmış adlar görünməkdədir. Bütün bunlara baxmayaraq, iftira, böhtan kampaniyasını nəzərə almadan Azərbaycan COP29-a uğurla ev sahibliyi edəcək, bir sıra yeniliklərlə yadda qalacaq. Azərbaycan üçün önəmli olan iqlim sahəsindəki problemlərin həlli, dayanıqlı inkişaf məqsədlərinə nail olmaq və yaşıl enerjiyə keçid, külək, günəş enerjisi, Xəzərin küləyindən alınan enerjinin Qərbə nəqli, Qara dənizin dibi ilə elektrik ixracı üzrə kabelin çəkilməsi və bu kimi ölkəmizin də gördüyü digər işlər, mütərəqqi addımlar da qonaqların diqqətinə çatdırılacaq, eləcə də qlobal məsələlər müzakirə olunacaq”.
Politoloq Yusif Bağırzadə isə BMT-nin İqlim Dəyişikliyi üzrə Çərçivə Konvensiyasının Tərəflər Konfransının (COP) tarixindən danışıb:
