İsmayıllı rayonunda vəzifəli şəxslə dalaşan gənc həbs edilib. Publika.az-ın əldə etdiyi məlumata görə, hadisə rayonun Tircan kəndinə baş verib.
Həmin kənddə tənha yaşayan 26 yaşlı Əlisahab Qədirov kənd icra nümayəndəliyinə gələrək icra başçısının nümayəndəsi Əhməd Əhmədovun kabinetinə daxil olub. O, naməlum şəxs tərəfindən itinin öldürüldüyünü, maddi vəziyyətinin pis olduğunu bildirərək mübahisə yaradıb. Vəzifəli şəxs yanında başqa vətəndaşın olduğunu bildirərək onu kabinetdən çıxarmaq istəyib. Bu zaman onlar əlbəyaxa olublar və hər ikisi yerə yıxılıb.
