Anlaşılandır, hüquqi prosedurlar başlamış deyə, hər cür tərbiyəsizliklərə əl atırlar. Biri prezidentə müraciət edir, biri Milli Məclisə. Əlbəttə, kimə, hara istəsələr müraciət edə bilərlər, mövqeyimiz də, duruşumuz da həmişəki kimi sağlamdır, ardıcıldır. Qaragüruhçu zehniyyətin önündən də qaçmadıq, bundan sonra da Allahın izni ilə qaçmayacağıq. Söylədiyim hər bir sözün öz təsdiqini tapacağını qısa bir vaxtda görəcəksiniz. Ola bilsin ki, bu cəmiyyətdə xaraktersiz insanların sayı çoxalıb, ancaq mən imkan verməyəcəyəm ki, bu məmləkətdə onun ordusunda xidmətdən cinsi oriyentasiyasını bəhanə edərək imtina edənlər söz sahibi olsun. Çünki bu ölkədə minlərlə şəhid ailəsi var, minlərlə Qarabağ qazisi var, düşünün ki, hər biri haçansa ordudan yayınmağı ağlının ucundan keçirsəydi, bu məmləkətin daşının üstündə daş qalmazdı. Onlar ordudan yayınmadığına görə şəhid olublar, qazi olublar. Sən durub rəsmi qaydada Azərbaycan ordusunda xidmətdən imtina edəsən ki, mən bu dövlətə də, onun ordusuna da nifrət edirəm, o halda bu gün bu kimi xainlərin quyruğuna düşənlər Vətəni qoruyan övladlarımızın üzünə necə baxacaqlar? Əsassız səbəbdən Vətəni qorumaqdan imtina edənlər, qulluq etmədən yalandan hərbi bilet alanlar Türkiyə kimi cəmiyyətlərdə nəinki siyasətdən, süfrədən, həm də kənddən qovulurlar. Bizdə isə bunları yaramazlar baş tacına çevirməyə çalışırlar. Nə var, nə var beş narazının xoşuna gələn bir neçə söz söyləyib. Hətta bu kimi xainlərə tuşlanan kəlimlərimizi belə özlərinə aid edərək cavab verənlər də tapıldı. Fərq etməz, haqlı olanda tarixi ənənələrdə də belə idi ki, odun içində keçib getməlisən ki, sənə inansınlar.
Döyənə əlsiz gərək,
Söyənə dilsiz gərək,
Dərviş könülsüz gərək-
Sən dərviş olamazsan.
