"Bakı-Qroznı istiqaməti üzrə hərəkət edən “Azərbaycan Hava Yolları” aviaşirkətinə məxsus təyyarənin Aktau şəhərində qəzaya uğramasına səbəb olaraq təyyarənin salonunda balonunun partlaması versiyasının irəli sürülməsi absurddur".
Bunu Azərbaycanın Əməkdar pilotu Tahir Ağaquliyev bildirib.
Tahir Ağaquliyev bildirib ki, təyyarənin göyərtəsində balonlar yoxdur, oksigen balonu var.
“Oksigen balonundan da hər hansı problem yarandığı hallarda istifadə olunur ki, sərnişinlər rahat nəfəs ala bilsinlər. Yalandan yazırlar ki, balon partlayıb. Belə şey ola bilməz”, - deyə Tahir Ağaquliyev qeyd edib.
Tahir Ağaquliyev bildirib ki, təyyarənin zədələnməsi raket partlayışından qəlpələrin yayılması nəticəsində baş verib: “Bunlar hidravlik sistemi, hidravlikanı zədələyən raket parçalarıdır. Təyyarənin sükanı hidravlika əsasında işləyir”.
