Dekabrın 25-də Qazaxıstanın Aktau şəhəri yaxınlığında qəzaya uğramış "Azərbaycan Hava Yolları”na (AZAL) məxsus təyyarənin eksklüziv fotoları yayılıb.
Fotoları "AnewsZ” telekanalı yayımlayıb.
Təyyarənin gövdəsinin daxilindən çəkilmiş fotoşəkillərdə kənar müdaxilə ilə uyğun gələn xəsarət əlamətləri aydın görünür.
Qeyd edək ki, ilkin araşdırmaların nəticəsinə əsasən yerli və xarici KİV-də təyyarənin Qroznıya yaxınlaşarkən Rusiyanın "Pantsir-S” HHM sistemindən atılan raketlə vurulduğu bildirilmişdi.
Xatırladaq ki, qəza zamanı 38 nəfər halak olub, 29-u yaralanıb./Azxeber.com
