“Maskaları pulsuz paylayın, ondan sonra cəriməni nə qədər istəyirsiniz, təyin edin” - ÇAĞIRIŞ

"Bundan sonra fiziki şəxslər 100 manat cərimə olunacaq. Milli Məclisin bugünkü iclasında İnzibati Xətalar Məcəlləsinə dəyişiklik layihəsi qəbul edilib. Dəyişikliyə görə, bundan sonra epidemiya əleyhinə rejim, sanitariya-gigiyena və karantin rejimləri dövründə fərdi qoruyucu vasitələrdən istifadə ilə bağlı müvafiq icra hakimiyyəti orqanı tərəfindən müəyyən edilən tələblərin pozulmasına, habelə vəzifəli şəxslər və hüquqi şəxslər tərəfindən həmin tələblərin pozulmasının qarşısının alınmamasına görə fiziki şəxslər 100 manat məbləğində, vəzifəli şəxslər 200 manat məbləğində, hüquqi şəxslər 400 manat məbləğində cərimə ediləcək. Hazırda tibbi maska istehsalı ilə gündəlik istehsal gücü 200-250 min olan “Bakı Tekstil Fabriki” MMC və gündəlik istehsal gücü 300 min olan “Gilan Tekstil Park” MMC məşğuldur. “Bakı Tekstil Fabriki” investisiya xərcləri 3,9 milyon manat olduğu bildirilsə də “Gilan Tekstil Park” MMC-nin istehsalının neçəyə başa gəldiyi, eləcə də 1 maskanın istehsal maya dəyərinin neçə qəpik olduğu açıqlanmır”.

 

Pravda.az-ın xəbərinə görə, bunu iqtisadçı Qubad İbadoğlu deyib.

 

 

“Görünən odur ki, iki müəssisə birlikdə hər gün 500 min ətrafında tibbi maska istehsal edir və hər iki müəssisənin anbarları tibbi maska ilə doludur. Satış zəifdir. Yeni cərimələr satışın artırılması hesabına əhalinin tibbi maskalardan istifadə səviyyəsinin yüksəldilməsinə hesablanıb. Gerçəkdən ictimai yerlərdə maska taxmaq vacibdir. Amma düşünürəm ki, bu problem cərimə ilə tam həll olunmayacaq. Hesab edirəm ki, ən düzgün yol maskaları pulsuz paylamaqdır, ondan sonra cəriməni nə qədər istəyirlər təyin etsinlər. Yəni bu zaman maska varındır, niyə geyinmirsən tələbi irəli sürülə bilər” – Q.İbadoğlu qeyd edib.

 

 

Tarix: 29 İyun 2020, 21:33   
Xəbər lenti
Çox oxunanlar

Ən son xəbərləri səhifəmizdən də izləyin