Bakının Yasamal rayonu Abbas Mirzə Şərifzadə küçəsi 33 ünvanında “İnşaat Konstruksiyaları” MMC-yə məxsus binada bəzi sakinlər pul verib aldıqları mənzillərində yaşaya bilmirlər.
Pravda.az xəbər verir ki, bu şikayətlə Xəzər TV-yə bir qrup sakin müraciət edib.
Onların iddialarına görə, aldıqları mənzillər başqalarına da satılıb. Şikayətçilər bildiriblər ki, 2017-ci ildən tikilməkdə olan binada mənzil üçün ödəniş ediblər. Lakin bir neçə il əvvəlki qiymətlərlə ödəniş etdiklərindən indi pul yox, həmin binadan mənzil istəyirlər.
“Gəlmişəm açarla qapını açmağa, deyir ki, ora sənə məxsus deyil. 2021-ci ildə imzalanan müqavilə əlimdə, evimə girə bilmirəm. Deyir mən sənin müqaviləni ləğv edə bilərəm. Bu nə özbaşınalıqldır? Müqaviləni necə ləğv edə bilər?”, - sakinlərdən biri söyləyib.
