Reklam
Pekində Si Cinpin və Tramp arasında görüş başlayıb
Hande Harmancı hantavirusun Azərbaycanda yayılma riskindən danışdı - VİDEO
Azərbaycanda dollar erası bitir? - VİDEO

"Hamımızı yorur" - İlham Əliyevdən karantin rejimi ilə bağlı AÇIQLAMA

"O ki qaldı, koronavirusla bağlı mübarizəyə, biz bundan sonra da addımlarımızı vəziyyətə uyğun şəkildə atacağıq. Biz hamımız yaxşı başa düşürük ki, insanlar yorulub, karantin rejimi hamımızı yorur. Bütün rəhbərlik fasiləsiz, demək olar ki, 24 saat ərzində iş başındadır. Çünki bu, elə bir bəladır, elə bir xəstəlikdir ki, hələ çarəsi yoxdur. Ona görə yeganə yolumuz insanları qorumaq, yoluxmaların sayını azaltmaq, xəstəliyin geniş vüsət almasına yol verməmək və beləliklə, vətəndaşlarımızı, dövlətimizi bu vəziyyətdən xilas etməkdir".

 

Pravda.az xəbər verir ki, bunu Azərbaycan Respublikasının Prezidenti İlham Əliyev avqustun 6-da ölkəmizdə koronavirus pandemiyası ilə mübarizə sahəsində görülən tədbirlər və sosial-iqtisadi vəziyyətlə bağlı videoformatda keçirdiyi müşavirədə deyib.

 

"Odur ki, buna uyğun şəkildə addımlar atılacaq. Karantin rejimi nə vaxt mümkünsə yumşaldılacaq, necə ki, artıq ayın 5-dən yumşalma olubdur. Ancaq vətəndaşlar da gərək başa düşsünlər ki, əgər bu yumşalmadan sonra biz yenə də xəstəliyin kəskin artdığını görsək, başqa çarəmiz olmayacaq, gərək yenə də sərtləşdirək. Biz bunu etmək istəmirik. Mən istəyirəm ki, bu yumşalma prosesi tədricən davam etsin və sonrakı yumşalma addımını şərtləndirsin. Amma əgər vətəndaşlar görsələr ki, artıq hər şey açılıbdır, yenə də bütün bu məsafəyə, qoruyucu vasitələrə əhəmiyyət verməyəcəklərsə, onda xəstəlik yenidən alovlanacaq. Biz gərək yenə də sərtləşdirilmiş tədbirlər görək, yenə də iqtisadiyyata zərbə vurulacaq, yenə də insanlar xəstələnəcəklər. Ona görə bütün Azərbaycan vətəndaşlarına bir daha müraciət edirəm ki, məsuliyyətli olun. Bu, çox ağır xəstəlikdir. Bu xəstəlik yaş tanımır, cavan insanlar, gənc insanlar, fiziki cəhətdən sağlam insanlar, idmançılar xəstələnir və rəhmətə gedir. Bu, dünya üçün çox ciddi problemdir, bu gün dünyanın bir nömrəli bəlasıdır. Ona görə hamımız məsuliyyətli olmalıyıq. Əgər belə olsa, dediyim bütün tapşırıqlar yerinə yetirilsə, biz qısa müddət ərzində bu karantin rejimini daha da yumşaldıb normal həyata daha tez qayıda bilərik", dövlət başçısı bildirib.

 
Tarix: 6 Avqust 2020, 16:28   
Xəbər lenti
Çox oxunanlar
Prezident fərman imzaladı
13 May 16:55 Siyasət
Deputat həbsdə olan AXCP sədrinin atasının yas mərasiminə buraxılmamasından danışdı: “Kənar müdaxilə yolverilməzdir”
13 May 12:43 Özəl
TƏBİB-in bu xidməti dayandırıldı
13 May 12:56 Sosial
Hantavirus qapıda: Karantin olacaq? - AÇIQLAMA
13 May 14:03 Özəl
Londonda ölən 34 yaşlı Natəvan Qasımzadə ilə bağlı açıqlama
13 May 14:24 Cəmiyyət
İcra başçısı girov düşdü – Belə azad edildi
13 May 20:02 Hadisə
May ayında çox şanslı olacaq BÜRCLƏR
13 May 09:21 Cəmiyyət
Pensiya ilə bağlı mühüm xəbər
13 May 11:06 Sosial
Tahir Kərimli şeir yazdı: “Həyat, nə üçün bu qədər incitdin məni?”
13 May 14:26 Özəl

Ən son xəbərləri səhifəmizdən də izləyin