Biznesmen-iş adamı olan deputatlara bu dəfə “yaşıl işıq” yandırılmayacaq.
Pravda.az-ın xəbərinə görə, istər hakim Yeni Azərbaycan Partiyasından (YAP), istərsə də bitərəflərdən (hakimiyyətin, hakim partiyanın dəstəklədiyi) olan biznesmen deputatları namizəd olaraq, bu seçkilərdə görməyəcəyik.
YAP-çı deputatlardan biri budəfəki seçkilərdə iş adamı-biznesmen deputatların yenidən namizəd olmayacağını və ya namizəd göstərilməyəcəyini bildirib.
“Bu seçkilərdə biznesmenlər, iş adamları dəstəklənməyəcək”-deyə, o, sözlərinə əlavə edib.
Qeyd edək ki, YAP-çı deputatlar arasında iş adamı kimi tanınan deputalar bunlardır: Nəriman Əliyev, Tahir Süleymanov, Əsabil Qasımov, İlham Əliyev, Ağalar Vəliyev.
Bitərəf deputatlar içərisində iş adamı olan millət vəkillərinə gəlincə, bunlardır: Azər Kərimli, Mahir Aslanov, Hacı Madər Musayev, Cavanşir Feyziyev, Rüfət Quliyev.
Onu da qeyd edək ki, ən yaxşı halda bir-iki deputat istisna olunmaqla, adları çəkilən və iş adamı olan millət vəkilləri birmənalı şəkildə seçkilərdən kənarda qalacaqlar.Etikxeber.az
