Deputatlığa namizədliyini irəli sürən yazıçı Kəramət Böyükçölün atası şair Qəşəm Nəcəfzadə Azərbaycan Prezidenti İlham Əliyevə müraciət edib.
Kəramət Böyükçölün atası Prezidentə müraciət etdi - “Bəzi köhnə ünsürlər...”
Pravda.az-ın xəbərinə görə, müraciətdə deyilir:
“Cənab Prezident, gənc yazıçı, Bakı Dövlət Universitetinin işçisi Kəramət Böyükçöl (Nəcəfov) Sizin son dövr apardığınız islahatlara, demokratiyaya, gənclər haqqında dediyiniz xoş sözlərə güvənərək 80 saylı İmişli - Beyləqan seçki dairəsindən Milli Məclis üzvlüyünə namizədliyini irəli sürüb. O, kənd - kənd gəzərək qeydiyyat üçün imza toplayıb, seçicilərlə görüşüb, onu sevirlər, dəstəkləyirlər. Amma bəzi köhnə ünsürlər ona əngəl olmağa çalışırlar. Cənab Prezident, inanırıq ki, Siz belə gəncələri qoruyacaqsınız!”
