“Şuşa şəhərində əl açıb oynamaq olar, amma Azərbaycan xalqının hissləri oynamaq olmaz”

Tarix elmləri doktoru, professor Anar İsgəndərovun sözlərinə görə, Azərbaycan Ordusunun Ermənistan üzərində qazandığı parlaq qələbəsi erməniləri məcbur etdi ki, böyük Ermənistan dövləti qurmaq iddialarından əl çəksin, həm də birdəfəlik.

Pravda.az tarixçi alimlə mühasibəni təqdim edir.

- Anar bəy, işğaldan azad olunmuş ərazilərimizdə real vəziyyəti necə təsvir edərdiniz?

- 30 ildir ki, Azərbaycan torpaqlarının 20 faizi düşmən tapdağı altında idi. Dünyada bir faşist ideologiyası, bir də erməni təfəkkürü var. Böyük Ermənistan yaratmaq ideologiyası ilə yaşayan bu xalqın tarix boyu öz torpağı olmayıb, onun – bunun torpağında yaşayıblar, başqa xalqının torpaqlarına sığınıblar və nəticədə imkan düşən kimi ona düşmən kəsiliblər, namərdcəsinə güllə atıblar. Bu, erməni xislətidir. Odur ki, ermənilərin işğal etdiyi torpaqları dağıtması Ağdam, Cəbrayıl və Füzulini viran qoyması təəccüblü deyil. Onlar bunu etməsəydi, bizim üçün təəccüblü və qeyri-müəyyən olardı.

Ermənilər Ağdamda bircə məscidi dağıtmayıblar. Ona görə yox ki, bura Allahın evidir, ona görə ki, ərazini nəzarətdə saxlamaq üçün onlara lazım idi.

Tarixdə hər bir hadisəyə qiymət nəticəsinə görə, verilir. 44 günlük müharibədə düşmən darmadağın edilib, Azərbaycan öz torpaqlarını geri qaytarıb. Bu istiqamətdə tarixi təcrübə var. İkinci dünya müharibəsində həm SSRİ-də, həm mütəffiqlərdə, həm də Alamiyada elə şəhərlər var idi, yer üzündən silinmişdi. Amma qısa müddət ərzində o şəhərlər bərpa olunub əvvəlki vəziyyətinə qaytarıldı. Buna müəyyən vaxt və vəsait sərf olunacaq. Ancaq Ali Baş Komandanın dediyi kimi, Qarabağ əvvəlkində də gözəl olacaq. Bütün xalq öz dəmir yumruğu ilə düşməni məv etdi, danışıqsız kapitulyasiya sənədlərini imzalamağa məcbur etdi. Əminəm ki, Azərbaycan xalqı qısa müddət ərzində Qarabağı Azərbaycanının gözəl guşələrindən birinə çevirəcək və düşmən bir daha Azərbaycanın qüdrətini hiss edəcək. Anlayacaq ki, döyüşdə böyük qəhrəmanlıq qazanan bu xalq yeni şəhər və kəndlərin salınmasında və digər quruculuq işlərində də məharətlidir.

Qarabağın işğalı Azərbaycan tarixinin qanlı səhifələri idi. Qarabağ uğrunda gedən böyük vətən müharibəsi xalq olaraq bizi birləşdirdi. Xalqın bu birliyi sayəsində dünyaya sübut edəcəyik ki, azad etdiyimiz şəhərlərimizi, kəndlərimizi abadalaşdırmağa qadirik. Azərbaycan Ordusu Ali Baş Komandanın siyasi qərarını yerinə yetirərək işğaldan azad edib. Tezliklə Azərbaycanın zəhmətkeş əhalisi o kəndləri bərpa edəcək.

- Sizcə, bu qələbədən sonra onlar böyük Ermənistan dövləti yaratmaq iddialarından əl çəkəcək?

- Şübhəsiz. Əl çəkməsələr, Zəngəzur da, Qərbi Azərbaycan da bizə keçəcək. 1918-ci ilə kimi dövlətləri yox idi, yenə də dövlətsiz bir xalq və ya qaraçı köçü kimi dünyanı gəzməyə davam edəcəklər.

Noyabrın 10-da sülh bəyanatı imzalanmasa idi, onsuz da Zəngəzurun, Göyçənin alınması üçün bizə bir neçə gün lazım idi. 30 il dünya bizi inandırırdı ki, münaqişəni hərbi yox, sülh yolu ilə həlli mümkündür. Amma Azərbaycanın dövlətinin başçısı dünyanı inandırdı ki, məsələnin hərbi həlli var, 30 il sizin edə bilmədiyimizi Azərbaycan Ordusu 44 gün ərzində həyata keçirdi. Ermənilər arasında hər halda ağıllıları da var, düşünüb-daşınacaqlar ki, Azərbaycan xalqının qürur və ləyaqətinə toxunmaq olmaz. Şuşa şəhərində əl açıb oynamaq olar, amma Azərbaycan xalqının hissləri oynamaq olmaz. Ermənilər bu müharibədə sadəcə Azərbaycana deyil, həm də özlərinin uydurduğu böyük Ermənistan iddialara məğlub oldu. Hətta gələcəkdə Qarabağda yaşamaq istəyən əhalisi üçün də ağrılı və şərəfsiz bir tarix qoydular.Publika

Tarix: 19 Dekabr 2020, 08:36

Xəbər lenti