"Ermənistandan hərbi qulluqçuların məzuniyyətdən Azərbaycan ərazisinə geri dönməsiylə bağlı məlumatlar var. Dərhal bu barədə rəsmi qurumlar məlumat verməli, belə bir hadisə baş veribsə, təcili ölçü götürülməlidir".

Pravda.az-ın xəbərinə görə, bunu Ümid Partiyasının sədri İqbal Ağazadə deyib.

"Necə ola bilər ki, Ermənistan vətəndaşı Azərbaycan ərazisində hərbi xidmət keçsin? Buna əsla göz yummaq olmaz, bunun izahı yoxdur, dərhal bu hallar durdurulmalı, Ermənistan vətəndaşları Azərbaycan ərazisindən çıxarılmalıdırlar" - İ.Ağazadə qeyd edib.