“Azərbaycan xalqı Prezidentin, ordusunun ətrafında dəmir yumruq kimi birləşdi” – Rəsul Quliyev

“2020-ci il Azərbaycan xalqı üçün ən böyük sınaq ili oldu. İlin əvvəlindən bəşəriyyətin üzərinə yeriyən koronavirus adlı ölüm Azərbaycanda da yayılmağa başladı. Ardınca neftin bir barelinin qiyməti 10 dollara qədər ucuzlaşdı. Azərbaycan xalqı çətinliklərə qatlaşdı, hakimiyyətin və prezidentinin yanında dağ kimi dayandı...”

Pravda.az-ın xəbərinə görə, bunu Azərbaycan sabiq spikeri Rəsul Quliyev deyib.

R.Quliyev xatırladıb ki, Ermənistan Dağlıq Qarabağ və işğal edilmiş torpaqlar barədə heç bir danışıqlar aparmaycağını, "Qarabağ bizimdir, Nöqtə" kimi sərsəm bəyənatını verib: “Qərb, ATƏT-in Minsk Qrupu "Dağlıq Qarabağ probleminin həllinin bir yolu var: O da danışıqlar!" bəyanatları ilə kifayətləndilər. Minsk Qrupu Azərbaycanın torpaqlarının işğal olunması ilə razılaşmaqdan başqa çarəsinin qalmadığını qəbul edəcəyini və Dağlıq Qarabağın, Laçın və Kəlbəcəri ermənilərə verməklə problemi həll edəcəyinə inanırdı. Birincisi, Ermənistanda silahlı qüvvələrin məğlubedilməzliyi ilə bağlı nağıllara inanırdılar. İkincisi, Azərbaycan xalqının öz taleyi ilə barışdığını tarixi fakt kimi qəbul edirdilər. Çünki Rus imperiyası 1828-ci ildən heç bir erməninin yaşamadığı Azərbaycan torpaqlarına ermənilərin kütləvi şəkildə köçməsini təşkil etdi. Torpaqları zorla azərbaycanlılardan alıb ermənilərə verəndə, demək olar ki, müqavimətə rast gəlinmədi. Ancaq bu cəhdlərə baxmayaraq erməniləri yüz illərlə Azərbaycan torpaqlarına (İrəvan və Naxçıvan xanlıqlarına) kütləvi şəkildə köçürə bilmədi. 1918-ci ildə Azərbaycanın öz torpaqlarını ermənilərə verməklə Ermənistan adlı dövlətin yaradılmasını təşkil etməsi ağlasığmaz nadanlıq idi... Bu tarixi faktlara söykənmiş məkrli ermənilər Azərbaycanın taleyi ilə barışacağına inanırdı. Ancaq bu dəfə belə olmadı! Azərbaycan xalqı Prezidentin, ordusunun ətrafında dəmir yumruq kimi birləşdi və ağır çəkiclə Ermənistanın və onun himayədarlarının başına zərbə endirdi! Əlbəttə, Minsk qrupunun heç bir üzvü bu müharibənin belə tez qurtaracağına inanmırdı. Xüsusilə Ermənistan informasiya vasitələrinin döyüş meydanından verdiyi ağ yalan informasiyaları Makron kimi səthi ağıla malik olanları hələdə "Ermənistanın Azərbaycanı məğlub edəcəyinə" inanırdılar”.

2020-ci il ilk dəfə Azərbaycan xalqının döyüş meydanında düşməni darmadağın etməsi və işğal olunmuş torpaqlarının azad edilməsi ilə nəticələndi. Bu münasibətlə Azərbaycan xalqını, Generallarımızı, Zabitlərimizi, Əsgərlərimizi və ən əsas da ordunun Ali Baş Komandanını yeni il münasibətilə səmimi qəlbdən təbrik edir, gələcək işlərində uğurlar arzulayıram. Azərbaycan xalqı bu sınaqdan üzü ağ çıxdı. Heç şübhəsiz ki, belə bir mərd xalqa məmurlar, inzibatı təşkilatlar mane olmasa, özünü də saxlamaq, ordusunu da məğlubedilməz etmək qabiliyyətinə malikdir”.

Tarix: 31 Dekabr 2020, 08:00

Xəbər lenti