"Şou-biznesdə toyuq və xoruzlar çoxdur. Bəzi sənətçilər bir az xoruzlanan kimi hasarın o biri tərəfindən baxıb, susdururam”.
Pravda.az xəbər verir ki, bu sözləri tanınmış prodüser, teleaparıcı Tarix Əliyev (Tolik) “Fəlidən doğru xəbər” verilişində qonaq olarkən deyib.
Prodüser şou-biznes nümayəndələrini təhqir etməkdən çəkinməyib:
“Bəzi sənətçilər bir az xoruzlanan kimi hasarın o biri tərəfindən baxıb, susdururam. Onu da qeyd edim ki, şou-biznes cameəsində ildə 2 dəfə və hər gün yumurtlayan toyuqlar var. Yəni müğənnilərin bəziləri bir ildə 2 dəfə, digərləri isə hər həftə yeni layihələrini təqdim edirlər. Mən çox işləyən sənətçilərə məhsuldar toyuqlar deyirəm və onları dəstəkləyirəm".
Tolik prodüser həmkarlarına da söz atmağı unutmayıb:
"Prodüser olmaq üçün zirək olmalısan, yaxşı əlaqələrin olmalıdır. Prodüser hansısa müğənninin sponsoru ilə oturmamalıdır. Eyni zamanda ona "ata" deməməlidir".
