Kür çayında suyun səviyyəsi xeyli azalıb.
Pravda.az xəbər verir ki, son günlər çayda suyun səviyyəsi sürətlə aşağı düşməyə başlayıb. Bu, daha çox Kürün Salyan rayonu ərazisindən keçən hissəsində müşahidə olunur. Belə ki, son bir neçə gündə çayın rayon ərazisindən keçən hissəsində suyun səviyyəsi 1,7 metr aşağı düşüb. Nəticədə Kürün müxtəlif yerlərində adacıqlar əmələ gəlib.
Bununla yanaşı, sahilboyu quraşdırılmış su nasoslarının tam gücü ilə işləməsində çətinliklər yaranıb.
