2021-ci ilin fevralın 25-dən dolların məzənnəsində müşahidə edilən yüksəliş hələ də davam edir.
Dolların aparıcı 6 valyutaya qarşı ortaq məzənnəsini ifadə edən Dollar İndeksi ötən müddətdə 89,9 səviyyəsindən 93,2 səviyyəsinə yüksəlib. ABŞ valyutası qısa müddətdə 3,7 faizə qədər bahalaşıb. Bahalaşmaya səbəb olan amillər çoxdur. Sfera.az saytına danışan iqtisadçı-ekspert Xalid Kərimli dolların bahalaşmasını bir neçə səbəblə əlaqələndirdi. Ekspert söylədi ki, dolların bahalaşmasının əsas səbəblərindən biri ABŞ-da koronavirusla və onun nəticələri ilə mübarizə məqsədilə 1,9 trilyon dollarlıq paketin qəbuludur. Onun fikrincə, hökumətin sürətli pul xərcləmələri iqtisadiyyata müsbət təsir göstərir və ABŞ iqtisadiyyatının inkişaf imkanları yaxşılaşır. Buna görə də müxtəlif beynəlxalq təşkilatlar ABŞ-la bağlı iqtisadi artım proqnozlarını yaxşılaşdırıb.
X.Kərimli dolları bahalaşdıran digər səbəbin ABŞ-da vaksinasiya prosesinin sürətlənməsi olduğunu bildirdi:
