Bakının mərkəzində insident: Qadının ürəyi getdi - VİDEO

Bakının mərkəzi küçəsində insident yaşanıb.

Pravda.az xəbər verir, hadisə Azadlıq prospekti ilə Nizami küçəsinin kəsişməsində baş verib.

Belə ki, 90-VM-666 dövlət nömrə nişanlı "Porsche" markalı avtomobilinin sürücüsü ilə digər şəxs arasında münaqişə yaşanıb. Nəticədə münaqişə tərəflərindən birinin yanındakı qadının ürəyi gedib və yerə yıxılıb. Sürücü isə avtomobilin baqajından beysbol taxtasını götürərək qarşı tərəfin  üzərinə hücum edib.

Ətrafdakı insanların müdaxiləsindən sonra tərəfləri ayırmaq mümkün olub.

Sürücü isə avtomobilinə minərək ərazidən uzaqlaşıb.

Hadisə nəticəsində həmçinin prospektdə qısamüddətli sıxlıq yaranıb.