BURADA REKLAMINIZ OLA
BİLƏR

BURADA REKLAMINIZ OLA
BİLƏR

Şuşanın yeni siması necə olacaq? - ŞUŞADAN REPORTAJ - VİDEO

Atalar yaxşı deyib, zər qədrini zərgər bilər. 30 ildir ki, yad əlində qayğıdan, sevgidən məhrum olan Şuşa şəhəri gerçək sahiblərinin əlində yeni simasına bürünür. Tarixi şəhərdəki son dəyişiklikləri əməkdaşımız Rüstəm İbadovun Şuşadan hazırladığı reportajdan biləcəksiz.

 

Azadlığının 7-ci ayını yaşayan Şuşa qısa zaman keçməsinə baxmayaraq sahiblərinin əlində hər keçən gün gözəlləşir, abadlaşır...

 

İllərdir yad əlində hər cür diqqətdən uzaq qalan qədim Azərbaycan şəhəri bu gün tikinti-quruculuq meydançasına çevrilib.

 

Şuşanın tarixi qala divarlarında da artıq abadlıq işlərinə start verilib.

 

Şəhərdə yenidənqurma işlərinin canlanması və hərbçilərlə yanaşı mühəndislərin, eləcə də digər sahələrdə çalışan mülki şəxslərin sayının artması qida təminatı ilə bağlı sahələrin də inkişafına gətirib çıxarır. Elə şəhər azad ediləndən  Şuşada çörək bişirən İftixar dayı da bu sahədə yorulmadan çalışanlardan biridir....

 

İftixar Əliyev Şuşa çörəyinin təravətli və əvəzedilməz olmasının sirlərini belə izah edir.

 

Bura isə dövlət başçılarının önündə Şuşa bəyannaməsini imzaladıqları Xan qızı Natəvanın ev muzeyi və Xanın sarayıdır. Tarixən əhalisinin 98 faizi Azərbaycanlılar olan Şuşadan xalqımıza aid izləri silmək istəyən ermənilər hər cür vəhşiliyə əl atsalar da buna nail ola bilməyiblər.

 

Şuşasız Azərbaycanı, Cıdır düzü olmadan isə Şuşanı təsəvvür etmək mümkünsüzdür. Bu ərazidəki qayalıqlar isə bundan sonrakı dönəmlərdə hər zaman qəhrəmanlıq və mərdlik simvolu kimi qalmağa davam edəcək.

 

Cıdır düzündən baxanda Azərbaycan bayrağının kölgəsində qalan bu yer isə Xankəndidir. Azərbaycan torpağında yaşayan ermənilər bilməlidirlər ki, onların gələcəkləri də ancaq bu bayrağın altında mümkün olacaq!

 

Tarix: 17 İyun 2021, 07:32   
-->
Xəbər lenti
Çox oxunanlar

Ən son xəbərləri səhifəmizdən də izləyin