“Ermənilər tərəfindən irqi, afrofobiya zəminində qətl törədildi. Bu qətl çox qəribə bir sükutla əhatə olundu. Qətli ört-basdır etməyə çalışdılar. Sanki erməni bandası qaradərili adamı öldürə bilər. Fransa siyasi sinfi isə bu qətlə susur. Bir anlıq bunun əksini təsəvvür edək. Əgər qaradərili insan kimi isə qətlə yetirsə idi, immiqrasiya haqqında bitməz-tükənməz “ekstravaqant” bəyanatlar səsləndirilərdi. Fransa kimi ölkədə soyqırımı qurbanı olduqlarını iddia edən ermənilər dərisinin rənginə görə insanı öldürür və bu heç kimi narahat etmir, heç kim reaksiya vermir”.
Pravda.az xəbər verir ki, bu fikirləri Fransada Qara Afrika Müdafiəsi Liqasının (LDNA) prezidenti Equnçi Behanzin (Egountchi Behanzin) Sənt-Etyen şəhərində bir qrup erməninin qəddarlıqla qətlə yetirdiyi qambiyalı gənc Yussufa haqqında “Musulmanenfrance” portalına müsahibəsində deyib.
O, cari ilin mayın 26-da 28, 32 və 62 yaşlı üç erməni tərəfindən amansızlıqla, görünməmiş zorakılıqla qətlə yetirilən Yussufa haqqında məlumat verərək, həmin ermənilərin “silahla kollektiv qətlə yetirmə” ittihamı ilə mühakimə olnduğunu deyib.
LDNA-nın prezidenti vurğulayıb ki, ermənilərin törətdiyi qətlin irqçi mahiyyəti hələ prokurorluq tərəfindən bu günə qədər təsdiqlənməyib.
Ancaq yerli sakinlərin sosial şəbəkələrdə paylaşdığı videolarda erməni təcavüzkarlar “Çirkli qara! Çirkli zənci! Səni qanına qəltan edəcəyik!” dedikləri aydın eşidilir. Həmçinin, təcavüzkar erməni bu təhqirlə kifayətlənməyib, yerdə qanı içində çabalayan qambiyalı gəncin başına təpiklə vurur.
Equnçi Behanzinin sözlərinə görə, erməni bandasının törətdiyi bu qatı cinayəti yaymasa, qambiyalı gəncə görə ədalət tələb etməsə və insanları nümayişə çağırmasa idi, ermənilərin bu cinayət aktı ictimailəşməyəcəkdi. Bəzi qüvvələr, xüsusilə də erməni icmasının çox olduğu Sənt-Etyen şəhərinin bələdiyyə rəhbəri Qael Perdrio erməni icmasının seçkilərə təsirini nəzərə alaraq, ermənilərin bu cinayətini ört-basdır etməyə çalışır və onun irqçi mahiyyətinin söylənilməsini istəmirdi. Ancaq yüz minlərlə insan nümayiş edərək ayrı-seçkiliyə etirazlarını bildirib və qambiyalı gənclə bağlı ədalət tələb etdilər.
Behanizin diqqətə çatdırıb ki, hətta şəhər bələdiyyə rəhbəri ilə əlaqəsi olan bəzi məmurlar da ermənilərin törətdiyi bu amansız qətlin irqçi, afrofobiya mahiyyətini ört-basdır etməyə çalışıblar.
“Sənt-Etyenin bələdiyyə rəhbəri məsələ ilə bağlı Qara Afrika Müdafiə Liqasına (LDNA) söz verməmək üçün göstəriş vermişdi. Bunun səbəbin çox tez başa düşdük. Soyqırım qurbanı olduqlarını iddia edən ermənilərin irqçi cinayət törətməsi ermənilərə böyük bir ləkədir. Sənt Etyenin meri isə erməni seçicilərini müdafiə edir. Sənt Etyen regionunda erməni icması güclüdür. Buna görə də bələdiyyə rəhbəri bu qətlin irqçilik, afrofobiya mahiyyətini gizlətməyə, onu içkili şəxslərin törətdiyi sadə şiddət kimi tanınmasına çalışırdı.
Ancaq bir inasnı afrofobiya təhqirləri ilə bıçaqlamaq, üstəlik yerdə qan içində olan yaralı insanın başına təpiklə vurmaq, şahidlərin ona kömək göstərməsinə mane olmaq sadə zorakılıqdırsa, onda irqçi cinayət necə olur?
