"Azərbaycanda saysız-hesabsız problemlər olduğu halda, siyasi partiya liderlərinin, ekspertlərin LGBT mövzusunu bu qədər həssaslıqla gündəmdə saxlamaq cəhdi, LGBT üzvlərinə qarşı aparılan anti-kampaniya anlaşılan deyil".
Pravda.az-ın xəbərinə görə, bunu Gələcək Azərbaycan Partiyasının sədri Ağasif Şakiroğlu deyib.
Partiya sədri qeyd edib ki, cəmiyyətin milli, mənəvi və əxlaqi dəyərləri qoruyub saxladığı göz önündədir: “Bu səbəbdən də bu cür isterik yanaşmaları xüsusilə də həmkarlarımdan görmək olduqca təəccüblüdür. Təbii ki, LGBT üzvü olmaq və ya olmamaq hərənin öz seçimidir. Konstitutsiyamızda da göstərildiyi kimi: şəxsi həyat toxunulmazdır!
Necə ki, kimsə mömin, ateist, deist və sairə olmaq seçimində sərbəstdir... Hər bir vətəndaş öz həyatını yaşayır. Burada fəlakət düzəltməyə düşünürəm ki, gərək yoxdur.
