Azərbaycan Kikboksinq Federasiyasının (AKF) İdarə Heyətinin üzvü Ədalət Kazımov Azərbaycan Kikboksinq Federasiyasının vitse-prezidenti təyin olunub.
Pravda.az xəbər verir ki, eyni zamanda təzəlikcə AKF-nın vitse-prezidenti təyin olunmuş dünya çempionu Ramal Aslanovun təyinatı rəsmiləşdirilib.
Federasiyanın yeni vitse-prezidentlərinin vəsiqələri AKF-nın fəxri prezidenti, İdarə Heyətinin sədri, Milli Məclisin sədr müavini Adil Əliyev və federasiyanın prezidenti Orxan Əliyev tərəfindən təqdim olunub.
Yeni təyin olunmuş vitse-prezidentlər – Ədalət Kazımov və Ramal Aslanov kikboksinq idman növünün inkişafında, bu məsuliyyətli və eyni zamanda şərəfli yolda əllərindən əsirgəməyəcəklərini bildirib.
