BURADA REKLAMINIZ OLA
BİLƏR

“Moskva-Bakı - qəlbləri birləşdirir” adlı tədbir keçirildi

Moskvanın əsasının qoyulmasının 874 illiyi qeyd olunub.

 

Hər il ənənəvi olaraq sentyabrın ikinci şənbə-bazar günləri qeyd olunan bu bayram tədbirləri zamanı bütün şəhər əhalisi küçələrə axışıb.

 

Bu dəfə Moskvanın doğum gününün ən rəngarəng qeyd olunduğu məkan “Xalq təsərrüfatı nailiyyətləri sərgisi”ndəki (VDNX) “Azərbaycan” pavilyionu olub.

 

“Moskva-Bakı - qəlbləri birləşdirir” adlı tədbir VDNX-dakı “Azərbaycan” pavilyonu tərəfindən Moskvanın yaranışı münasibəti ilə paytaxt sakinlərinə hədiyyəsi olub. Rusiya paytaxtının ən böyük istirahət parkı sayılan VDNX-ın ziyarətçiləri “Azərbaycan” pavilyonu tərəfindən bəxş edilən bu hədiyyənin onlar üçün böyük sürpriz olduğunu söyləyiblər.

 

“Azərbaycan” pavilyonunun baş direktoru Səadət Kadırova Moskvada qeyd olunan bu kimi kütləvi bayramların Azərbaycanın mədəniyyətinin, adət-ənənələrinin təbliği baxımından mühüm əhəmiyyət daşıdığını söyləyib: “Azərbaycan pavilyonu fəaliyyətini bərpa edəndən sonra moskvalıların həyatının ayrılmaz tərkib hissəsi olub. Ona görə də, bizim bu tədbirdə iştirakımız həm simvolik, həm də təbii xarakter daşıyır. Azərbaycan mədəniyyətini, musiqisini, milli rəqsini və mətbəxini moskvalılara göstərmək üçün əla fürsətdir”.

 

Tədbirin qonaqları sərgi-pavilyonda Azərbaycan məhsulları ilə tanış olmaq, məşhur Azərbaycan çayının dadına baxmaq, milli üslubda tərtib olunmuş foto zonasında yaddaqalan fotolar çəkdirmək imkanı əldə ediblər.

 

Milli xoreoqrafiya kollektivlərinin ifasında Azərbaycan rəqsləri, xüsusi ilə də “Yallı” rəqsi və xalq çalğı alətlərinin canlı ifası qonaqlarda xoş ovqat yaradıb.

Tarix: 12 Sentyabr 2021, 08:31   
Xəbər lenti
Çox oxunanlar

Ən son xəbərləri səhifəmizdən də izləyin